ಮಂಗಳೂರು ನಗರ ಸೇರಿದಂತೆ ವಿವಿಧ ಪ್ರದೇಶಗಳಲ್ಲಿ ‘ಕ್ರೈಂ ವಾರ್ತೆ’ ಹೆಸರನ್ನು ದುರುಪಯೋಗಪಡಿಸಿಕೊಂಡು ಅಂಗಡಿ, ಮಳಿಗೆಗಳು, ಮರಳು ವ್ಯಾಪಾರಿಗಳು ಹಾಗೂ ಮಟ್ಕಾ ಸೇರಿದಂತೆ ವಿವಿಧ ವ್ಯವಹಾರಸ್ಥರಿಂದ ಹಣ ವಸೂಲಿ ಮಾಡಲಾಗುತ್ತಿದೆ ಎಂಬ ಮಾಹಿತಿ ನಮ್ಮ ಗಮನಕ್ಕೆ ಬಂದಿದೆ.
ಈ ಹಿನ್ನೆಲೆಯಲ್ಲಿ ನಮ್ಮ ಸುದ್ದಿ ವಾಹಿನಿಯು ಸಾರ್ವಜನಿಕರಿಗೆ ಈ ಮೂಲಕ ಸ್ಪಷ್ಟನೆ ನೀಡಲು ಬಯಸುತ್ತದೆ.
ನಮ್ಮ ಸುದ್ದಿ ವಾಹಿನಿಯು ಯಾವುದೇ ರೀತಿಯ ಹಣ ವಸೂಲಿ ಮಾಡುವುದಿಲ್ಲ. ಹಣ ಪಡೆದು ಜಾಹೀರಾತು ಪ್ರಕಟಿಸುವ ವ್ಯವಸ್ಥೆಯೂ ನಮ್ಮಲ್ಲಿಲ್ಲ. ಅಷ್ಟೇ ಅಲ್ಲದೆ, ಹಣ ವಸೂಲಿ ಮಾಡಲು ನಮ್ಮ ವಾಹಿನಿಯಿಂದ ಯಾವುದೇ ಪ್ರತಿನಿಧಿ, ಸಿಬ್ಬಂದಿ ಅಥವಾ ಏಜೆಂಟರನ್ನು ನೇಮಕ ಮಾಡಿಲ್ಲ.
ಯಾರಾದರೂ ‘ಕ್ರೈಂ ವಾರ್ತೆ’ ವಾಹಿನಿಯ ಹೆಸರನ್ನು ಹೇಳಿಕೊಂಡು ಅಂಗಡಿ, ಮಳಿಗೆ, ಮರಳು ವ್ಯಾಪಾರ ಸ್ಥಳಗಳು ಅಥವಾ ಇತರ ವ್ಯವಹಾರಗಳ ಬಳಿ ಬಂದು ಹಣಕ್ಕೆ ಬೇಡಿಕೆ ಇಟ್ಟರೆ, ಅಂತಹ ವ್ಯಕ್ತಿಗಳಿಗೂ ನಮ್ಮ ವಾಹಿನಿಗೂ ಯಾವುದೇ ಸಂಬಂಧವಿಲ್ಲ ಎಂಬುದನ್ನು ಸ್ಪಷ್ಟಪಡಿಸುತ್ತೇವೆ.
ಆದ್ದರಿಂದ ಸಾರ್ವಜನಿಕರಲ್ಲಿ ನಮ್ಮ ಮನವಿ:
‘ಕ್ರೈಂ ವಾರ್ತೆ’ ಹೆಸರಿನಲ್ಲಿ ಯಾರಾದರೂ ಹಣಕ್ಕೆ ಬೇಡಿಕೆ ಇಟ್ಟರೆ ಯಾವುದೇ ಕಾರಣಕ್ಕೂ ಹಣ ನೀಡಬೇಡಿ. ಅಂತಹ ವ್ಯಕ್ತಿಗಳ ಬಗ್ಗೆ ತಕ್ಷಣವೇ ಸಮೀಪದ ಪೊಲೀಸ್ ಠಾಣೆಗೆ ದೂರು ನೀಡಿ. ಸಾಧ್ಯವಾದಲ್ಲಿ ಅವರ ಗುರುತು ಹಾಗೂ ಇತರ ಮಾಹಿತಿಗಳನ್ನು ಪೊಲೀಸರಿಗೆ ಒದಗಿಸಿ.
ನಮ್ಮ ವಾಹಿನಿಯ ಹೆಸರನ್ನು ದುರುಪಯೋಗಪಡಿಸಿಕೊಂಡು ಸಾರ್ವಜನಿಕರನ್ನು ವಂಚಿಸುವ ಅಥವಾ ಹಣ ವಸೂಲಿ ಮಾಡುವ ವ್ಯಕ್ತಿಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವಂತೆ ಸಂಬಂಧಪಟ್ಟ ಪೊಲೀಸ್ ಇಲಾಖೆಯಲ್ಲಿಯೂ ಮನವಿ ಮಾಡುತ್ತೇವೆ.
ಮತ್ತೊಮ್ಮೆ ಸ್ಪಷ್ಟಪಡಿಸುತ್ತೇವೆ…
ಹಣ ವಸೂಲಿ ಮಾಡುವ ಯಾವುದೇ ವ್ಯಕ್ತಿಗೂ ‘ಕ್ರೈಂ ವಾರ್ತೆ’ಗೂ ಯಾವುದೇ ರೀತಿಯ ಸಂಬಂಧವಿಲ್ಲ.
ನಮ್ಮ ವಾಹಿನಿಯ ಹೆಸರು ಮತ್ತು ಗೌರವವನ್ನು ದುರುಪಯೋಗಪಡಿಸಿಕೊಳ್ಳುವವರ ಬಗ್ಗೆ ಸಾರ್ವಜನಿಕರು ಎಚ್ಚರಿಕೆಯಿಂದಿರಬೇಕು.
ಇದು ಕ್ರೈಂ ವಾರ್ತೆ ವಾಹಿನಿಯ ಅಧಿಕೃತ ಸಾರ್ವಜನಿಕ ಪ್ರಕಟಣೆ.
About The Author
